Жалпы ақпарат
Тұрсынбет Ернар Ақбергенұлы 1982 жылы Қызылорда облысында дүниеге келген.
С. Асфендияров атындағы Қазақ ұлттық медицина университетін, сондай-ақ И. Сеченов атындағы Мәскеу медициналық академиясын («Болашақ» бағдарламасы бойынша) бітірген.
Медицина ғылымдарының PhD докторы.
«Денсаулық сақтау ісінің үздігі» салалық наградасымен марапатталған.

Еңбек жолы
2007–2008 жж. – Астана қаласы №4 қалалық емханасының дәрігер-статистигі.
2008–2009 жж. – ҚР Денсаулық сақтау министрлігінің Медициналық қызметтер сапасын бақылау комитетінде аттестаттау, аккредиттеу және лицензиялау басқармасының сарапшысы.
2009–2010 жж. – ҚР ДСМ Медициналық және фармацевтикалық қызметті бақылау комитетінің Астана қаласы бойынша департаментінде медициналық қызметтерді бақылау бөлімінің басшысы.
2011–2019 жж. – Астана медицина университетінде:
хатшылық меңгерушісі, кафедра доценті, кафедра меңгерушісі, декан.
2019–2020 жж. – Солтүстік Қазақстан облысы денсаулық сақтау басқармасының Айыртау аудандық ауруханасының бас дәрігері.
2020–2024 жж. – ҚР Ішкі істер министрлігінің орталық госпиталі мен емханасында медициналық бөлім жөніндегі басшының орынбасары.
Генералдық директор болып тағайындалғанға дейін –
«Ұлттық спорттық медицина және оңалту орталығы» ШЖҚ РМК ұйымдастыру-әдістемелік бөлімінің басшысы.
2024 ж. – қазіргі уақытқа дейін –
«Ұлттық спорттық медицина және оңалту орталығы»
ШЖҚ РМК бас директоры.